
પાકિસ્તાની અભિનેત્રી સેહર શિનવારી વડાપ્રધાન નરેન્દ્ર મોદી વિરુદ્ધ ફરિયાદ કરવા માગે છે. સેહરે ટ્વીટ કરીને દિલ્હી પોલીસની ઓનલાઈન લિંક માગી છે. આ અંગે દિલ્હી પોલીસે રસપ્રદ જવાબ આપ્યો છે.
Anyone knows the online link of Delhi Police ? I have to file a complain against Indian Pm & Indian Intelligence Agency RAW who are spreading chaos and terrorism in my country Pakistan. If the Indian courts are free (As they claims) then I am sure Indian Supreme Court will…
— Sehar Shinwari (@SeharShinwari) May 9, 2023
સેહરે કહ્યું- મોદી અને RAW પાકિસ્તાનમાં આતંકવાદ ફેલાવી રહ્યાં છે
સેહરે મંગળવારે રાત્રે 10.26 વાગ્યે આ ટ્વીટ કર્યું, જ્યારે પૂર્વ વડાપ્રધાન ઈમરાન ખાનની ધરપકડ બાદ પાકિસ્તાનમાં હિંસા શરૂ થઈ ગઈ હતી. સેહરે લખ્યું- દિલ્હી પોલીસની ઓનલાઈન લિંક કોઈને ખબર છે? મારે ત્યાં વડાપ્રધાન નરેન્દ્ર મોદી અને ગુપ્તચર એજન્સી RAW વિરુદ્ધ ફરિયાદ કરવી છે, તેઓ મારા દેશમાં આતંકવાદ ફેલાવી રહ્યા છે. જો ભારતની સુપ્રીમ કોર્ટ દાવો કરે છે એટલી સ્વતંત્ર છે, તો હું અપેક્ષા રાખું છું કે ત્યાં ન્યાય મળશે.
We are afraid we still do not have jurisdiction in Pakistan.
But, would like to know how come you are tweeting when the internet has been shut down in your country! https://t.co/lnUCf8tY59
— Delhi Police (@DelhiPolice) May 9, 2023
દિલ્હી પોલીસનો જવાબ- પાકિસ્તાન હજુ અમારા અધિકાર ક્ષેત્રમાં નથી
દિલ્હી પોલીસે 31 મિનિટ બાદ જ સેહરના ટ્વીટનો જવાબ આપ્યો હતો. સેહરને ટેગ કરીને દિલ્હી પોલીસે લખ્યું- પાકિસ્તાન હજુ પણ અમારા અધિકાર ક્ષેત્રમાં નથી આવતું. હા, અમે ચોક્કસપણે જાણવા માગીએ છીએ કે તમારા દેશમાં ઇન્ટરનેટ બંધ છે તો તમે કેવી રીતે ટ્વીટ કરી રહ્યા છો.

શિનવારી અગાઉ પણ આવાં ટ્વીટ કરતી રહી છે, તેણે વર્લ્ડ કપમાં ભારતની હાર બાદ લગ્નની ઓફર કરી હતી

2022 T20 વર્લ્ડ કપ દરમિયાન પણ શિનવારી તેના ટ્વીટને કારણે ચર્ચામાં આવી હતી. તેણે કહ્યું હતું કે જો ઝિમ્બાબ્વે ટીમ ભારતને હરાવશે તો તે ઝિમ્બાબ્વેના છોકરા સાથે લગ્ન કરશે. આ પહેલાં શ્રીલંકા-ભારત મેચ દરમિયાન પણ તેણે આવું જ ટ્વીટ કર્યું હતું. ગુજરાત વિધાનસભાની ચૂંટણી પહેલાં શિનવારીએ ટ્વીટ કર્યું હતું કે હું શરત લગાવું છું કે ગુજરાત ચૂંટણીમાં ભાજપને શરમજનક હાર મળશે. જો એ ન થાય તો પછી તમે જે ઇચ્છો એ મને કહો. અન્ય એક ટ્વીટમાં તેણે લખ્યું કે અરવિંદ કેજરીવાલની આમ આદમી પાર્ટી ગુજરાતની ચૂંટણીમાં ભાજપ માટે મોટી સમસ્યા બની રહેશે.