દુનિયામાં એટલી વિચિત્ર ઘટનાઓ થઈ રહી છે કે, જેના પર વિશ્વાસ કરવો અઘરું સાબિત થઈ રહ્યું છે. જી હા..અત્યાર સુધી સાંભળ્યું હશે કે, કિસ એ પ્રેમ વ્યક્ત કરવાનો અને પોતાના પાર્ટનર સાથે એક ડગલું આગળ વધવાનો માર્ગ છે. પણ શું તમે ક્યારેય સાંભળ્યુ કે કોઈએ વેર વાળવા માટે કોઈને કિસ કરી હોય…જો નથી સાંભળ્યું તો આજે અમે તમને આવી જ એક વિચિત્ર ઘટના વિશે જણાવવા જઈ રહ્યાં છે. જેમાં એક કિસના કારણે એક વ્યક્તિનું જીવવું મુશ્કેલ બન્યું છે.
જી હા.. તમને જાણીને નવાઈ લાગશે પણ આ એક હકિકત છે. આ ઘટના બ્રિટનની છે. જ્યાં એક વ્યક્તિને કિસ કરવી ભારે પડી છે. આ ઘટના એવી છે કે, બ્રિટનમાં રહેતા એક વ્યક્તિને માર્ગમાં ચાલતી વખતે વિવાદ થયો હતો. જેના માટે તે શખ્સને ઘણી ભારે કિંમત ચૂકવવી પડી હતી. જે મહિલા સાથે તેનો વિવાદ થયો હતો તેણે તેને કાયમ માટે મૂંગો કરી દીધો છે. હા..ખરેખર અત્યારે આ વિચિત્ર ઘટનાની ચારેકોર ચર્ચા થઈ રહી છે. કારણ કે, આ મામલો એટલો ગંભીર હતો કે, કોર્ટ સુધી પહોંચ્યો હતો. જેમાં કોર્ટે આરોપી મહિલાને દોષી ઠેરવી છે.
કહેવાય છે કે, આ ઘટનામાં મહિલાએ વ્યક્તિની જીભ કાપી નાંખી અને તેને રસ્તા પર ફેંકી દીધી. જેને એક પક્ષી લઈ ઉડી ગયું હતો. જેના લીધે જીભ જોડી શકાઈ નહોતી. એટલે હવે આ વ્યક્તિને જીવનભર કપાયેલી જીભ સાથે રહેવું પડશે.
એડનબર્ગ પોલીસના જણાવ્યા મુજબ, જેમ્સ મેકેન્ઝી નામનો શખ્સ ક્યાંક ફરવા જઈ રહ્યો હતો. જ્યારે તે રસ્તામાં જઈ રહ્યો હતો. ત્યારે, તેની 27 વર્ષીય બેથની રાયન સાથે કોઈ બાબતને લઈને બોલાચાલી થઈ હતી. થોડા સમય માટે બંને દલીલો ચાલુ રાખી હતી પછી અચાનક બેથનીએ જેમ્સ પર કૂદી ગઈ હતી અને તેને કિસ કરવા લાગી હતી. આ સમય દરમિયાન, તે જેમ્સની જીભને તેના દાંતથી કાપી નાંખી હતી અને રસ્તા પર ફેંકી દીધી હતી. જેમ્સ કંઈપણ સમજી શકે તે પહેલા એક પક્ષી તેની પડેલી જીભ લઈને ઉડી ગયું હતું.
ડેઈલી મેઈલના અહેવાલ મુજબ, 1 ઓગસ્ટ 2019ની આ ઘટનાની સુનાવણી એડનબર્ગની શેરીફ કોર્ટમાં થઈ હતી. જેમ્સ મેકેન્ઝીના વકીલ, સુઝૈન ડિક્સને, કોર્ટને જણાવ્યું હતું કે વિવાદ પછી જેમ્સ આરોપી તરફ આગળ વધ્યો ત્યારે તેણે તેને વિચિત્ર પ્રતિક્રિયા આપી હતી. આરોપીએ જેમ્સને ધક્કો માર્યો અને પછી તેને કિસ કરી હતી. તે દરમિયાન તેણે જેમ્સની જીભને દાંતથી કાપી નાંખી હતી.
કોર્ટની સુનાવણી દરમિયાન સુઝાન ડિકેસને કહ્યું કે, બેથની રિયાના કારણે જેમ્સ કાયમ માટે મૂંગો થઈ ગયો છે. તેમણે કહ્યું કે, ઘટના બાદ લોહીથી લથબથ જેમ્સને તાત્કાલિક હોસ્પિટલમાં લઈ જવામાં આવ્યો હતો. પરંતુ, તેની કપાયેલી જીભનો ટુકડો ન હોવાથી તેની સર્જરી થઈ શકી ન હતી. તમામ દલીલો સાંભળ્યા પછી, કોર્ટે બેથનીને દોષી ઠેરવી હતી.
